Blekking

Verð:
ISK 3.990

BLEKKING er sjálfstæð saga en með persónum og ívafi úr bókinni KLÆKJUM eftir Sigurjón sem kom út 2011 og hlaut BLÓÐDROPANN 2012, sem besta íslenska glæpasagan.

Mörður er á ferð um Norðausturland, æskuslóðir móður sinnar og lítur inn hjá Magnúsi, öldnum bróður hennar á Húsavík, sem hann hefur hvorki séð né heyrt frá í áratugi.

Merði er vel fagnað af frænda sínum og þegar þeir kveðjast grefur Magnús upp gamalt bréf til hans frá stúlku sem Mörður hafði kynnst síðast er hann var á Húsavík, aldarþriðjungi áður.

Rúna, en svo kallaði stúlkan sig, er Merði minnisstæð, þrátt fyrir stutt kynni, en leiðir þeirra lágu saman á dansleik á Húsavík. Þau urðu að halda hvort sína leið eftir aðeins eina en eftirminnilega nótt þar sem þau meðal annars skoðuðu Húsavíkurkirkju.

Í bréfinu, sem skrifað er skömmu eftir kynni þeirra, má finna Biblíutilvitnun sem tengist altaristöflu Húsavíkurkirkju og skilja má sem hróp Rúnu um hjálp, en á töflunni reisir Jesú Lasarus upp frá dauðum.

Forvitni Marðar er vakin. Hann fer að kanna afdrif Rúnu og kemst fljótlega að því að skömmu eftir að hún skrifaði bréfið var hún myrt á hrottafenginn hátt.

Við nánari eftirgrennslan um afdrif þessarar minnisstæðu stúlku rekst hann á hindranir. Einhverjum, með völd, er mikið í mun að ekki verði farið að grafast fyrir um örlög Rúnu og sá sendir Merði aðvaranir í fyrstu.

Þrátt fyrir aðvaranir heldur Mörður leit sinni að sannleikanum um dauða Rúnu ótrauður áfram en þá eru aðvaranir ekki lengur látnar duga.

Atburðarásin teygir sig til Danmerkur þar sem sannleikurinn virðist leynast.