Órói

Verð:
ISK 3.290

Verðlaunaglæpasaga eftir danska rithöfundinn Jesper Stein.

Maður finnst látinn í Assistens kirkjugarðinum nóttina eftir rýmingu Ungdómshússins á Nörrebro vorið 2007.

Hinn látni er með lambhúshettu og í hermannastígvélum, sem beinir grun strax að lögreglunni, sem verið hefur á verði í garðinum meðan á óeirðunum hefur staðið. Er morðinginn lögreglumaður sem hefur gengið of langt í hita leiksins? Eða er einhver að reyna að leiða lögreglu á villigötur?

Ungur stjórnleysingi, Piver hefur undir höndum myndbandsupptöku sem sýnir svart á hvítu hvað gerðist í garðinum þessa nótt, en þegar honum verður ljóst að ýmsir vilja ná í hann reynir hann að fara huldu höfði.

Vandamálamaður morðdeildar, Axel Steen lögreglufulltrúi – fráskilinn faðir sem hefur litla stjórn á ástarmálum sínum, neytandi hass í síauknum mæli og haldinn stöðugum dauðakvíða er fenginn til að stjórna rannsókninni, sem tengir saman þræði frá eiturlyfjaglæpamönnum í Balkanlöndum til glæpahópa á Blågårds Plads og úrvalslögreglumanna í Virkinu í Söborg.